paroles de chanson Die Woni Hübsch Find - Adrian Stern

Die woni hübsch find bedient mi jede morge
Bringt en kafi a min tisch und scho vergönd all mini sorge
Hellwach und mit stolzem gang goht sie vo tisch zu tisch
Und ich frög mi mängisch öb sie ächt e ballettänzerin isch

Die woni hübsch finde zieht mi eifach aa
U o wenn i scho vergäh bi landi immer wider da
Beschtelle kafi mit rahm drin
Obschon i kafi doof find...

Die woni hübsch find
Händ ihr sie scho mal gseh?
Im kafi näb em bahnhof
Jede tag vo nün bis 2
Schtrahlt wiene sunne
Egal öb räge oder schnee
Mit ihre wird's e guete tag
Was wott i meh?

Mängisch gits stress und ich ghöre si luut schimpfe
Zwüschedure het sie au scho mal anes tischbei ginget
Si laht nüd aabrönne u sich aamache scho gar nid
I hocke da und frage mi öb mi chopf je wider klar wird

Die woni hübsch find schänkt mir mängisch sonen blick
Wäni wider mal us verlegeheit ihre vill zvill trinkgäld gib
Han e pfiil i mim härz in
Du au?
Wäg dere frau!

Die woni hübsch find...

Hey, ich ha sie zersch gseh!
Schön für di!

Dere wo du hübsch findsch bisch du glaub egal
Ihre Fründ holt sie mit rose ab, säg isch das nöd e qual?
Hey ich wott nöd so sii, mir isch das zimli gliich
Am nächschte tag vo nüün bis zwee han ich si wider für mich

Die woni hübsch find...