paroles de chanson Et letzte Leed (live) - BAP

1)
Wemmer he fäädisch sinn
Setze mir uns eez ens hin
Un schwaaden durch, wiet hück jelaufen ess,
Trecken uns e Bier erinn,
Schnappe Luff un rauchen ein
Un donoh, do weed he affjebaut.
Dä Angelito trick de Kabel russ
Un en dä Zick, do hollt dä Bernd dä Buss.
Refr.:
Et letzte Leed hück Ohvend,
Dann ess he Fierohvend,
Dann jeht et heim
Noh der Mamm, noh der Frau
Nohm wärme Arsch em Bett.
2)
Aanlaach affjebaut erussjedraare,
En dä LKW erinnjelaade,
Dä Stress ess uss, Tschüß bess ahm Donnersdaach.
Donnersdaach dä nächste Gig,
Dann weed et och ald widder höchste Zick,
Dat mer die Bühnebredder spührt un et Publikum.
Et mäht uns Spaß, un mir dat trick,
Sibbe Köpp, veezehn Häng für ein Musik.
Refr.:
Et letzte Leed hück Ohvend,
Dann ess he Fierohvend,
Dann jeht et heim
Noh der Mamm, noh der Frau
Nohm wärme Arsch em Bett.
3)
Eventuell, et künnt jo sinn,
Hatt ihr em Kopp de selve Dinger drinn,
Vun dänne mir üch hück e bessje jet jesunge hann.
Mer wollte nit Messias sinn,
Vun wäje doot jet oder loot jet sinn,
Mer wollte nur verzälle, wat ahm Eng och üch passiert.
Maat et joot, villeich bess irjendwann,
Dann trefft ihr he die selve sibbe Mann.
Refr.:
Et letzte Leed hück Ohvend,
Dann ess he Fierohvend,
Dann jeht et heim
Noh der Mamm, noh der Frau
Nohm wärme Arsch em Bett.