paroles de chanson Wat 'e Johr! - BAP

Sibbe Jestalte un en Schlaachzeil, irjendwie komisch, ir'ndjet stemp do nit. Die wesse mieh, als se bewiese künne. Jedenfalls mieh, als deck un fett behauptet weed. Drusse litt Schnie un drinne weed et laut, et sprudelt Strophe, Riffs un Melodie. Wie't ussieht, weed endlich Musik jemaht he, noh Ewigkeite widder su wie't sich für'n Band jehührt. Kumm, loss ens hühre! Kumm, loss probiere! Kumm, lommer fiere! (Wat 'e Johr!) Wat 'e unfaßbar Johr dat woor! (Wat 'e Johr!) Wat 'e unnormal Johr, wat 'e wundebar Johr dat woor! Theater, Stadthalle, Hotelbars un en Oper, monatelang em Bus op Autobahne, skeptische Blecke bess et Ihß jeschmolze, bess alles steht, et jeht met weh'nde Fahne aff. Sibbe Jestalte vüür'ner Leinwand, schon unjewohnt he op dä Kinobühn! Hinger der Kam'ra einer, dä die Band kpaiert hätt, als wöhr se sujet wie'ne unjedriehte Film vun ihm.