paroles de chanson Fooq Al Sahab - Bahaa Sultan

معرفش ممكن يبقي بكرة شايلي إيه
بس النهاردة هعيشه مهما هايجري فيه
باينة الحقايق كدبة من فوق السحاب
يبقي الطريق واضح وبندور عليه

أصعب ما في الغربة أما بستني السؤال
وبحس بالوحدة وبعيش أيام تقال
لو نملك الدنيا، إحنا بردو صغيرين
سر السعادة في الرضا علي أي حال

فوق راسي أهلي وناسي، ده اللي عارفه وبفهمه
لو حد بس مرة مسهم مش هرحمه
خيرهم عليا كتير

قليل الأصل هو مين في يوم يقف معاه
أخواتي سندي ولو هقول لوحدي ألف آه
بس أشوفهم بخير

والدنيا دايرة بينا
يوم معانا ويوم علينا
من أمتي حد إستني رزقه
وجاله من الهوا

أي ناس ملهمش قيمة
بعدنا عنهم غنيمة
ومحدش ماسك رزق حد
ولا في إيديه الدوا

الواحد يبقي جاحد ليه علي أقرب ما ليه
فين الحب اللي من غير أي مطمع ده نلاقيه
وبين الوشوش تايهين

الحوجة للأغراب ساعات تذل وما تعليش
وكتير صحاب تاخد ولو تحتاجها مابتديش
هنروح من بعض فين

ويا رب أنت اللي عالم
ناس كتير ملهاش معالم
ده في وشي قال زي الملايكة
وفي ضهري كان شيطان

في النهاية كله واضح
مهما كان الجاي رايح
وهتفضل باقية السيرة وإحنا
صورة علي الحيطان