paroles de chanson ... E Vui Durmiti Ancora !... - Beans

Lu suli è già spuntatu di lu mari
E vui, bidduzza mia, durmiti ancora
L'aceddi sunu stanchi di cantari
E affiddàti v'aspettunu ccà fora
Supra ssu balcuneddu su pusati
E aspettunu quann'è ca v'affacciati!

Lassati stari, non durmiti cchiui
Ca 'nmenzu ad iddi, dintra ssa vanedda
Cci sugnu puru iù, c'aspettu a vui
Pri vidiri ssa facci accussì bedda
Passu ccà fora tutti li nuttati
E aspettu puru quannu v'affacciati

Li ciuri senza vui non ponnu stari
Su tutti ccu li testi a pinnuluni
Ognuno d'iddi non voli sbucciari
Su prima non si gapri ssu balcuni
Dintra li buttuneddi su ammucciati
E aspettunu quann'è ca v'affacciati!

Lassati stari, non durmiti cchiui
Ca 'nmenzu ad iddi, dintra ssa vanedda
Cci sugnu puru iù, c'aspettu a vui
Pri vidiri ssa facci accussì bedda
E aspettu puru quannu v'affacciati

Lu suli è già spuntatu di lu mari
L'aceddi sunu stanchi di cantari...