paroles de chanson Mir sin die Weltmeister vum Rhing - Bläck Fööss

Alles sprich vun Meisterschaft
Doch friedlich schlöf uns Vatterstadt
In der Ruhe liegt immer noch die Kraft.
Janz ovve sin es och janz schön,
Doch bovven es de Luff jet dönn
Wä janix deit, dä hätt ald vill jeschaff
Woröm jläuv uns dat keiner op d'r Äd?
Es d'r Ress d'r Welt dofür zo blöd?
Mir sin die Weltmeister vum Rhing
Wä uns nit kennt hätt de Welt nit jesinn.
Jewenne künne künne mer nit immer,
ävver jönne künne, dat künne mer joot.
Fußball spille mer nit esu joot
Doch kölsche Junge bütze joot uns Mädche stonn bei uns an eetzter Stell. Mer driesse jet op Meisterschaff un drinke leever Bröderschaff
Echte Fründe fings de he janz schnell Doch wenn et hatt op hatt kütt
Scheiden sich die Jeister
ävver em Fiere simmer immer Weltmeister.
Weltmeister
Em Fiere, Blamiere,
Klüngele, Strunze, Lamentiere,
Stroß oprieße,
Düx verbaue, de Aussicht op d'r Dom versaue.
Weltmeister
Em Strüsjer un Kamelle schmieße
Bedde un de Lück bedrieße
Opsteije, affsteije,
Müllverbrenne, Schmierjeld nemme, sich nit mih dran erinnere künne
Un Tschüss