paroles de chanson Unsere Stammbaum - Bläck Fööss

Ich wor ene stolze Römer, kom met Caesars Legion
Un ich ben ene Franzus, kom mem Napoleon
Ich ben Buur, Schreiner, Fescher, Bettler un Edelmann
Sänger un Gaukler, su fing alles aan

Su simmer all he hinjekumme
Mir sprechen hück all dieselve Sproch
Mir han dodurch su vill jewonne
Mir sin wie mer sin, mir Jecke am Rhing
Dat es jet, wo mer stolz drop sin

Ich ben us Palermo, braat Spajettis für üch met
Un ich, ich wor ne Pimock, hück laach ich met üch met
Ich ben Grieche, Türke, Jude, Moslem un Buddhist
Mir all, mir sin nur Minsche, vür'm Herjott simmer jlich

Su simmer all he hinjekumme
Mir sprechen hück all dieselve Sproch
Mir han dodurch su vill jewonne
Mir sin wie mer sin, mir Jecke am Rhing
Dat es jet, wo mer stolz drop sin

De janze Welt, su süht et us, es bei uns he zo Besök
Minsche us alle Länder stonn met uns hück an d'r Thek
Mer jläuv, mer es en Ankara, Tokio oder Madrid
Doch se schwade all wie mir un söke he ihr Jlöck

Su simmer all he hinjekumme
Mir sprechen hück all dieselve Sproch
Mir han dodurch su vill jewonne
Mir sin wie mer sin, mir Jecke am Rhing
Dat es jet, wo mer stolz drop sin

Su simmer all (su simmer all) he hinjekumme (he hinjekumme)
Mir sprechen hück (mir sprechen hück) all dieselve Sproch (all dieselve Sproch)
Mir han dodurch su vill jewonne
Mir sin wie mer sin, mir Jecke am Rhing
Dat es jet, wo mer stolz drop sin
Dat es jet, wo mer stolz drop sin