paroles de chanson KHAYEF - ElNasser

خايف من الخوف و من الظروف
خايف المستقبل يفضل زي الحاضر زور
خايف من الغول خايف من الحوت
خايف من شعارات برموز و ضحك ع الدقون
خايف من الموت و من التابوت
من سوء الحظ و من التاروت
خايف من ظلمة مصاحبها سكوت
خايف فني ميعيش بعد أما أموت
خايف اضطر أكدب عشان اكسب فلوس
خايف مارضيش نفسي بس أرضي يأسي عشان ظروف
خايف مخدرات تتلف عروق
خايف أمشي ببوصلة نحية غرب الاقي شروق
خايف الظلم يسوق خايف اليأس يسود
خايف الغزو يعود خايف ياكلني الدود
خايف قلبي يصدي يغفل موجود
يفضل مرفوض بالفكرة مربوط
بلعنة كره مشروط
خايف مش شايف خايف تايه
خايف مش شايف خايف تايه
خايف مش شايف خايف تايه
خايف مش شايف خايف تايه
خايف روحي تفارقني فأمي تتوحد
خايف أمي تفارقني روحي تتقتل
خايف أفضل ثابت على نفس الليفل
خايف ماتقدمش خايف أتسند
خايف الصحبة تفض تمشي و تفترق
خايف ع القدس يتنهب يتسرق
خايف بيتنا الولعة تِشبَط فيه فيتحرق
خايف من الربو خايف من أزمة ونفسي يتقطع
خايف أكتئب فال Vibe يتقتل
خايف أتشد فاتسأل خايف أتذل فاتقهر
خايف أنتحر خايف دماغي تتسحل
خايف أتشهر فأبتذل
خايف الدايرة تضيق و تتقفل
خايف موهبتي تتدفن
خايف الهبة تتسلت و Skills تهبط تتربط تتعدم
خايف للقمة تبطل تتقسم
خايف من وحدة تاكلني فأتقسم
خايف أحب بجد فاتكسر
خايف من كدبة تكملني فأترسم
خايف للكدبة توهمني فأتوهم
خايف من دنيا تضحك تبتسم
خايف مش شايف خايف تايه
خايف مش شايف خايف تايه
خايف مش شايف خايف تايه
خايف مش شايف خايف تايه