paroles de chanson Niaik Pabilo Kasampainyo - Elvia

Oi dari kuok ka bangkinang ndeh da.
Nan samalam di aia tirih.
Ndeh hehehe... Hari nan sadang pukua duo.

Dima lah denai ndak kabimbang ndeh da.
Denai digantuang ndak batali.
Ndeh hehehe niak kapabilo kasampainyo.

Oi kok dapek musim bapadi ndeh da.
Nan basiang nden sarayokan.
Ndeh hehehe nan kasawah pai manuai.

Oi kok dapek nan kandak hati ndeh da.
Lamo jo lambek den nantikan.
Ndeh hehehe asa lai niaik nan ka sampai.

PRODUKSI MINANG RECORD

Rancak pasanyo padangpanjang ndeh da.
Rami dek anak batang anai.
Ndeh hehehe nan kasuok ka batu sangka.

Bakato buruang sadang tabang ndeh da.
Kok dapek sangkak nan sasuai.
Ndeh hehehe mati di sangkak indak baa.

Denai kamano mintak tolong ndeh da.
Nan batenggang dibadan surang.
Ndeh hehehe nan tapaso den gamam tangih.

Denai tapaga Karambia condong ndeh da.
Nan buahnyo ka ladang urang.
Ndeh hehehe batangnyo sajo den ratok i.