paroles de chanson Fè van pou mwen (Live) - Emeline Michel

Grenn sèl bò isit kite barik pran lari
Tounen teson gravye pou manje malere
Li midi tout bourik ap ranni
Pandan kabrit ap simen fanmasi
Solèy la ap boule m
Li vle fè m anraje
Dlo nan je m, dlo nan kò m
M'ape swe tout kote

Fè van pou mwen cheri
Fè van pou mwen
Fè van pou mwen cheri
Fè van pou mwen
Woy, woy, woy
Woy, woy, woy
Woy

Pandan m'ap di w sa mayengwen debake
Ak yon dividal mouch k'ap kwense m k'ap mode m
Li midi, men tout klòch ap sonnen
Ferayè sou bòdmè dechennen
Yon fèblantye k'ap pase, k'ap fè m fou, k'ap rele
K'ap mande achte bonm ak chodyè ki kreve

Fè van pou mwen cheri
Fè van pou mwen
Fè van pou mwen cheri
Fè van pou mwen
Woy, woy, woy
Woy, woy, woy
Woy

Men pa gen van k'ap soufle
Ki kote van pase
Fò n jis tan karèm lè tan rara rive
Le nòde fè pechè pè lanmè
Lè frechè ap pouse do chalè
Lè sa cheri m'a simen bèl franj sou ou
M'a fè w monte nan syèl tankou yon sèvolan
Pot fil pou mwen timoun, pot fil pou mwen
M'anvi file w cheri, gen van

Woy, woy, woy,
Woy, woy, woy
Woy

M'anvi file w cheri, gen van