paroles de chanson Himmelhoch High (Live & akustisch) - Höhner

Himmelhoch High, in et Levve verknallt
Un manchmol zu Tode betrübt.
Himmelhoch High, hätt hä immer jeglöuv,
Dat dr Himmel ihm alles verjitt.

Venloer Stroß, do hinge dat Huus,
Do hätt hä vör Johre jewunnt.
Hätt immer im Levve alles riskiert
Un et Levve hätt ihn nit jeschont.
Dä Hein wor ne Spinner un och e Genie,
Un immer in Allem zu schnell.
Mädche un Städte, Ideen wie nie,
Sing Welt wor wie e Karrussel:

Ref.:
Himmelhoch High, in et Levve verknallt
Un manchmol zu Tode betrübt.
Himmelhoch High, hätt hä immer jeglöuv,
Dat dr Himmel ihm alles verjitt.

Hä wor talentiert, hätt Theater jespellt,
Ne Zeidungsberich dä verblass.
In Brooklyn jelääv, an dr Börse jedealt
Un plötzlich in Bangkok im Knast.
Kei' Hüsjer jebaut, kei' Bäumche jepflanz,
Sing Fraue, die hatten et schwer.
Un dann widder fott, mit de Stääne jedanz,
Irjend nem Draum hingerher.

Ref.:
Himmelhoch High, in et Levve verknallt...

Hä hätt alles riskiert, op Jrenze jelääv,
Un off met demm Levve jespillt.
Opstieg un Avsturz un Widderjeburt,
Hä hätt noh de Stääne jezielt.

Ref.:
Himmelhoch High, in et Levve verknallt...

Ne Stään trick sing eijene Bahn,
Bis hä verjlöht irjendwann.
Wigg wor dä Wääch, doch dann kom hä
Bei sich selver aan.