paroles de chanson Zoitog - Kurt Ostbahn feat. Kurti Ostbahn

I bin a Sö von an Menschen
Und reiß ma 'n Oasch auf fia di
Barava Tog und Nocht
Dann gibt's am Freitog ka Marie
Do siach i rot, do schlogts bei mia Alarm
I rat da, bleib heit ned allaa daham
Weu heit is Zoitog und do
Zohl i da des ollas ham

Du waßt, i kann ned Na sogn
Des waßt du ganz genau
Hast mi ogstiert bis aufs Hemd
Jetzt seulast di hamlich o
Do siach i rot, do schlogts bei mia Alarm
I rat da, bleib heit ned allaa daham
Weu heit is Zoitog und
Do zohl i da des ollas ham

Host glaubt i bin a Schoitl
G'mant i bin des letzte Weh
Host mi min As im Ärmel gnumman
Glaubst der ziagt no amoi, dei linker Schmäh
Do siach i rot, do schlogts bei mia Alarm
I rat da, geh heit ned allanich ham
Weu sunst is heite Zoitog und do
Zohl i da des ollas ham

I tanz mit ana Oidn
Und denk ma nix dabei
Wia i grod so in Clinch geh
Do hea i wia ana schreit
Do siach i rot, do schlogts bei mia Alarm
I man i tram, heast, schleich di ham
Weu sunst is heite Zoitog und do
Zohl i da des ollas ham

I bin jo sunst ned aso
Aber den sei Oat mocht mi krank
I reiß eam ane oda zwa
Do hot er auf amoi an Fisch in da Hand
Do siach i rot, do schlogts bei mia Alarm
I denk ma, do geh i lieba do allanich ham
Jo, oba murgn is Zoitog und do
Zohl i da des ollas ham

Murgn is Zoitog und do
Zohl i da des ollas ham
Murgn is Zoitog und do
Zohl i da des ollas ham
Murgn is Zoitog und do
Zohl i da des ollas ham