paroles de chanson Tequila Sunrise - Kurt Ostbahn

Da Sand do is göb
Und de Kaktus san staubig
De Fraun schaun aus
Ois wia de Rabn
Waunns gaunz in Schwoaz
De Gschroppn stampern
Und zuaschaun und betn
Tan beim Grobn
Ois in dem Kaff da
Is ollaweu staubig
Do knirscht mit de Zähnt
Sogoa waunnst saufst
De Sunn röst da s'Hirn o
Und am Himme do steht scho
Drei Tog a Wolkn
Wia aunagschrauft

Es schaut gaunz schlecht aus
Daß i do wegkumm
Oba i siach guad am Friedhof
Nebn de Gleis
Zug kummt do kana
Und mei Wogn is in da Werkstott
Und den Chef homs heit eigrobn
Grod wia mia z'Fleiß
Irgendwia hod do
Kana an Namen
Und hoda an
Daunn is a ned echt
Und olle do ham Angst
Angst wia fria
I zöh de Kreuz und i
Denk ma: mit Recht

Wos do so rennt
Kenn i nua ausn Kino
Wia des ausgeht
Hob i oft gnua gsehn
So Leit wia i
Rennan leicht wem ins Messa
Oda kriagn sunst a
Gröberes Problem
Drum drink i
No an Tequila Sunrise
No an Tequila Sunrise
Bevua da nächte umasteht
No an Tequila Sunrise
Bevua des letzte Moi
De Sunn aufgeht
De Sunn aufgeht

Mi tuat jo a jeda do
Gastfreindlich griaßn
Und locht mit de Goidzähnt
Und sogt wia mei Wirt
"Ich nix vastehn, ich
Leider auch nix wissen."
Vasteh tua i a nix oba i waaß
Wos do Nocht fia Nocht passiert
No ana redt nix
Und tuat gaunz vü bliatn
Weu si de Kugel von
An Profi selten irrt
No ana beißt in Sand
Und frisst sei Zungan
Weu do von wem
Sehr gründlich g'oabeit wird

Wos do so rennt
Kenn i scho aus'm Kino
Nua duat is ollas
Ned so echt
So Leit wia i
Findn se Freind und Helfer
Oba do fiacht i
Kummans nimma zrecht
Kummans nimma zrecht

No an Tequila Sunrise
Bevua da nächte umasteht
No an Tequila Sunrise
Bevua da nächte umasteht
No an Tequila Sunrise
Bevua des letzte Moi
De Sunn aufgeht
De Sunn aufgeht

De Nocht de is zaach
Und wü afoch ned aufhean
Mit ihr a Hitz
Mit ihr'm gaunzn Gschraa
I wü ois nua trama
Bin do nua durchgfoan
Hob do kan Duascht kriagt
Da Tank woa ned laa
I lieg do und schwitz
Schwitz ned nua wegn da Hitz do
Hurch auf de Rotzn
Es gibt sunst kane Gäst
I prack noch de Fliagn
De wos groß wean wia Spatzn
Und woat, dass da Füm reißt
Des dasporat ma'n Rest

Wos do so rennt
Kenn i scho aus'm Kino
Nua duat is noch
Zwa Stund vuabei
So Leit wia i
Ham no amoi a Glück ghobt
Wia i des siech
Kennt des do anders sei
Kennt des do anders sei

No an Tequila Sunrise
Bevua da nächte umasteht
No an Tequila Sunrise
Bevua da nächte sterb'n geht
No an Tequila Sunrise
Bevua da nächste a Bankl reißt
No an Tequila Sunrise
Bevua da nächte umasteht
No an Tequila Sunrise
Bevua des letzte Moi
De Sunn aufgeht
De Sunn aufgeht