paroles de chanson Ebrietas - Lo & Leduc

Tiefi Nacht gseschmi loufä
Zwöi schwarzi Gläser vordä Ougä, wo mi vo auem entfärnä
Ds Lüchtä im Blick, gspieglet vor Latärnä, abr irgendwiä gsehts us aus wäres Stärnä
Aus würdsch dr Himmu i Gläser läärä
Doch ds Guud isch nur Schnaps, oh wes lüchtet
U ds Liecht si wük nur Iswürflä
U mir si numä ä Schluck Whisky i Gottes Bar
U hei vrgässä, daser d Beiz scho läng zuä het tah
Und ufem Tresä, stöh numäno äs paar vrstoubti Gläser
U di Ougä gseh dört nüm dürä
Di Wäut isch grau
Putzä Brüuägläser aus wär ds aus
Stärn vrblasst, grauä Star, i bi morn schonä autä Mah, au revoir

Si schänkä üs ja nüt, drum schänkä mir üs ih
Wasser isch zum Löschä da, chum blib doch no äs wili
Du weisch wi mir si, Witzä immrno trochä wi Whisky
Ke Thermoswösch, ungr dä chuttenä Fläschä
Gsesch mi mit Bächer underä rütschä

I luägä tief ids Glas u glich gsehni ke Bodä
Wüu i stürzä Gläser, heisst dr Blick geit gäg obä
Weisch i gseh uf di Stärnä, i meinä i gseh numäno Stärnä
Kippä mi u gheiä ids Läärä
Vrgiess nur ab und zuä äs paar Tränä
I ha soviu trunkä, i chönnt scho Schnaps grännä
I bi absänt mit mim Absinth
U i ha dir ke Message zrügg zum Absändä
U i weiss ds isch aus Scheiss, intressiert mi noni
I ha ä Schibä, di isch scho gnuä Spiegu für di
U luäg wi ds Glas zrspringt
Nur dini Hoffnig zrbrichä i dir
U du gsesch wi ds Glas zrsplitteret
U glichzitig ligt widr aues dinnä
U drum gsesch du mi ir Nacht dür di Strass loufä
Lug uf di Wäut dür Glas ougä, füumi

Si schänkä üs ja nüt, drum schänkä mir üs ih
Wasser isch zum Löschä da, chum blib doch no äs Wili
Du weisch wi mir si, Witzä immrno trochä wi Whisky
Ke Thermoswösch, ungr dä Chuttenä Fläschä
Gsesch mi mit Bächer underä Gutterä rütschä