paroles de chanson O vascio - Mario Merola

'A gente ca mme vede 'e sentinella
'Nnanze a stu vascio da 'a matina â sera
Ma chisto" dice "ha perzo 'e ccerevelle?
Ma comme? S'è cecato 'e 'sta manera?
E invece, i' voglio bene a na figliola
Ca sta 'int' 'o vascio e nun è vasciajola

No, stu vascio nun è vascio
E na reggia, è 'a meglia reggia
E sissignore, 'o pate è masterascio
E sissignore, 'a mamma è 'mpagliasegge
Ma hanno fatto chella figlia
Ch'è na vera meraviglia
Ca pe' sbaglio è nata llà

A mamma dice: "No, signore mio
A stà ô sicondo piano? Nun sia maje
E 'o pate dice: Quant'è certo Dio
Io 'nchian' 'e terra ce stó' buono assaje
E intanto, a figlia, chella bella zita
Vò' stà cu lloro quanno se mmarita

No, stu vascio nun è vascio
E na reggia, è 'a meglia reggia
E sissignore, 'o pate è masterascio
E sissignore, 'a mamma è 'mpagliasegge
Ma hanno fatto chella figlia
Ch'è na vera meraviglia
Ca pe' sbaglio è nata llà

E ajeressera mme só' appiccecato
Cu 'e genitore mieje ch'hanno ragione
Papà, ch'è pronipote 'e titolato
Dice: "E addó' va a fernì chistu blasone?"
Ma i' penzo ca pe' duje uocchie 'e brillante
Scenne 'a cavallo pure nu rignante

No, stu vascio nun è vascio
E na reggia, è 'a meglia reggia
E sissignore, 'o pate è masterascio
E sissignore, 'a mamma è 'mpagliasegge
Ma hanno fatto chella figlia
Ch'è na vera meraviglia
Ca pe' sbaglio è nata llà