paroles de chanson 'O Scuitato (Live) - Massimo Ranieri

Mo' fanne duie anne, trasenno 'a staggiona
Me trase 'int' 'o core, 'na bella guagliona
Russagne 'e capille
Passato 'nu mese, pe' strègnere 'a cosa
Parlaie dint' 'a casa c' 'o pate d' 'a sposa
Nu certo 'onn' Achille

Ma: "Pienzece bbuono, 'na voce dicette
Chi arape famiglia, s'attacca, se mette
Na brutta catena"
Guagliò, statte attiento, che zzarro ca piglie
Po' vene 'a strettezza, po' vèneno 'e figlie
Che pena! Che pena! Guagliò, lassa sta!

Statte sulo, sulo, sulo
Ch"a mugliera fa crepà
Tiene 'e llire! Si' figliulo
Lassa sta! Lassa sta!
Cu che core uno se nzora
Quanne tene chisto mare
Quanne a Napule sta ancora
Marechiare! Marechiare!

Che bbona avvertenza, me dette sta voce
Cunziglia era bella, ma 'a voce cchiù doce
Cchiù bella 'e cunziglia
L'à 'o pate 'onn'Achille, menave stuccate
Triate, sicarie, cafè, scampagnate
Cu tutt"a famiglia

'Na vota dicette: "Sentite 'na cosa
Facimmo una casa, si no chella, 'a sposa
Che ffa sola sola?"
E allora i' penzaie, "Guagliò, statte attiente
Riflièttece buono, ca chisto è 'o mumento
Ritira 'a parola! Guagliò, lassa sta!"

Statte sulo, sulo, sulo
Ch"a mugliera fa crepà
Tiene 'e llire! Si' figliulo
Lassa sta! Lassa sta!
Cu che core uno se nzora
Quanne tene chisto mare
Quanne a Napule sta ancora
Marechiare! Marechiare!

E ammora fernette, Cunziglia è spusata
E 'o povero sposo, che sciorta ha 'ntuppata
Spusanno a Cunziglia
Denare p"a casa, p"a vesta, p"a sposa
D' 'o ppoco 'e mesata, che ddiece lle resta?
Se fa meraviglia

Nun beve, nun fuma, nun tene difette
E 'o pate, 'onn'Achille, ca zuca Anisette
Ca fume tuscane
Ah, povero sposo, 'nce si' capitato
Io stongo cuieto, pecchè so' scuitato
Nun penzo a dimane, nun penzo a spusà

Stongo sulo, sulo, sulo
Aggio voglia 'e ma spassà
Tengo 'e llire, so figliulo
Ch'aggia fa? Ch'aggia fa?
Cu che core uno se nzora
Quanne tene chisto mare
Quanne a Napule sta ancora
Marechiare! Marechiare!