paroles de chanson Eka Mohothak - Mervin Perera

එක මොහොතක් ඔබ සෙවණේ හිඳින්නට තරම්
කල්පයකින් අසුරු සැණක් පමණ නැත වරම්
එක මොහොතක් ඔබ සෙවණේ හිඳින්නට තරම්
කල්පයකින් අසුරු සැණක් පමණ නැත වරම්

කඳු ගිරිහෙල් රළු බොරලන පියමග මනිමි
අහසයි පොළවයි එක් වන දවසක් ගනිමි
කඳු ගිරිහෙල් රළු බොරලන පියමග මනිමි
අහසයි පොළවයි එක් වන දවසක් ගනිමි

මල් පොකුරකි එක නටුවකි ඒ බව සැබැවි
මල් පොකුරකි එක නටුවකි ඒ බව සැබැවි
එක සිත ගැන සිත් දෙකකින් නොසිතනු මැනවි

එක මොහොතක් ඔබ සෙවණේ හිඳින්නට තරම්
කල්පයකින් අසුරු සැණක් පමණ නැත වරම්
එක මොහොතක් ඔබ සෙවණේ හිඳින්නට තරම්
කල්පයකින් අසුරු සැණක් පමණ නැත වරම්

පිළිවෙළකට නැති ලෙස තරු අහසේ අතුරා
සඳ පමණක් සළුපිලි ඇඳ එයි වත සපුරා
පිළිවෙළකට නැති ලෙස තරු අහසේ අතුරා
සඳ පමණක් සළුපිලි ඇඳ එයි වත සපුරා

මග සලකුණු දක්වා හිනැහෙන එළි පතුරා
මග සලකුණු දක්වා හිනැහෙන එළි පතුරා
බැස යනු මිස නොරැඳෙනු මැන ගඟ දිය උතුරා

එක මොහොතක් ඔබ සෙවණේ හිඳින්නට තරම්
කල්පයකින් අසුරු සැණක් පමණ නැත වරම්
එක මොහොතක් ඔබ සෙවණේ හිඳින්නට තරම්
කල්පයකින් අසුරු සැණක් පමණ නැත වරම්