paroles de chanson جاني كلام - Mohamad Abdo

جاني كلام إني معك كنت كذاب . واني محملك الشقى والأسيه
واني ابيع الود وابيع الأحباب . وش باقي ما قلته حبيبي عليه
ظالم واخاف عليك من يوم وحساب . ياخي حرام اللي تسويه فيه
ارفع إيديني طالبٍ رب الأرباب . واتذكر العشرة وانزل إيديه
شمت فينا اغراب وابعاد واقراب . خليت ذا يحكي وهاذي وذيه
اهديلك البسمة وتهديني انياب . ليش الوفا في شرع مثلك خطيه
الله بلاك بناس تفرش لك اهداب . والله بلاني بناس ماهي وفيه
ياليت عندي شوي من غدر الأصحاب . ياليت عندك من وفايا شويه