paroles de chanson Yunis - Mohamed Mounir

جاي من بلادي البعيدة لا زاد ولا ميه
و غربتي صاحبتي بتحوم حواليا
و أنتي تقوليلي بحبك. تحبي إيه فيا؟
و ده حب إيه ده إللي من غير أي حرية؟

يونس فى بلاد الشوق. آه يا ولد الهلاليّ
بتونسني دموع العين و أنا سايب أهاليّ
آه ياولد الهلاليّ لا عليا ولا بي

يا عزيزة يا بنت السلطان
لو يتغير الزمان
و قابلتيني في أي مكان
كنت أعشق من غير ما تقولي
يونس. أنا يونس

كنت هقول أهو ده المحبوب
و يدوب قلبي قبل ما أدوب

آه يا ولد الهلاليّ لا عليا ولا بي
أنا يونس و نسيت مين يونس
و الدنيا مالت عليا

قلبي ضايع مين يلاقيهلي
بايني نسيته حِدا أهلي
ينفع أحبك من غير قلبي
ما تردوا عليها و عليا

آه يا ولد الهلاليّ لا عليا ولا بي
ياعزيزة يا بنت السلطان
لو يتغير الزمان
و قابلتيني في أي مكان
كنت أعشق من غير ما تقولي
يونس. أنا يونس

كنت هقول أهو ده المحبوب
و يدوب قلبي قبل ما أدوب
آه ياولد الهلاليّ لا عليا ولا بي
أنا يونس و نسيت مين يونس
و الدنيا مالت عليا

يونس فى بلاد الشوق. آه يا ولد الهلاليّ
بتونسني دموع العين و أنا سايب أهالي
آه ياولد الهلاليّ لا عليا ولا بي
أنا يونس و نسيت مين يونس
و الدنيا مالت عليا