paroles de chanson Yaşamalı (feat. Okaber) [Zərbəçi] - Murad Arif

Yaşamalı
Acısıyla, şiriniylə dadmalı
Həyat hər gün yenidir, anlamalı
Bəzən gülməli olur
Bəzən isə ağlamalı
Yaşamalı
Yağış hərdən şəhəri islatmalı
Hərdən yaxınlardan uzaqlaşmalı
Soyuq bir dünyada şamtək yanmağı
Bacarmalı
O gözlərdən təbəssüm yağacaq hələ
İlk baharda güllərin açacaq hələ
Günəş bir gün səninçün doğacaq hələ

Ağır zərbələrə zərbəçi dözər
Lazım deyildi kəlbətin pressə, əlfəcin pyesə
Təklik bərkidir mərdi, tərki-dünyanın təfəkkürü kimi sirlidir
Məkrin tərkibi tərk edilən hər kimin təkəbbürü kimi kirlidir
Sən elə mənsən, mən elə sən, əgər gecələr dəmsənsə
Sənin sənə səni sənsən
Sən sənsənsə
Hər kəsə tüpür! Rədd elə!
Arxamca bağır, gəlim
Məmur xonçada donuz başı kimi görünəndə çağır gəlim
Tək əldən səs çıxmaz deyən həyatdan tək əlli yapışıb
Feys-kontrolu keçə bilən köpəyin abrına nə gəlib, yaxşı?!
Səs salırdım ki, yatanlar ayılsın özüm oyandığımda
Arxamca danışırmış arxasında dayandığım da
Arxayın-arxayın

Dəniz coşub qayalara çırpınanda
Göylər bezib, ildırımlarla çaxanda
Sonuncu gün ümid qalır bu dünyada
Son ümid var bu dünyada
İnan ki, sən nə ilk, nə son dərdli adam
Həyat budur, yorulsan da, yola davam
O sinəndə ürək vurursa durmadan
Bezmək olmaz yaşamaqdan
Yaşamalı
Yağış hərdən şəhəri islatmalı
Hərdən yaxınlardan uzaqlaşmalı
Soyuq bir dünyada şamtək yanmağı
Bacarmalı
Yaşamalı