paroles de chanson Ghaltat Lwalidin - Muslim

ظنيتوا بلي الحل كان الفراق
ما عمركم كنتوا متفاهمين ، أول مرة تفاهمتوا تفاهمتوا على الطلاق
كل واحد عام في بحرو قولولي شكون غرق ؟
غرقت أنا و خوتي و الكون علينا ضاق
كل واحد فيكم خطط كيف يعيش حياة جديدة
بقينا حنا في الوسط و الدموع تسيل قصيدة
كنتوا حاصلين ، كنا حنا المصيدة
سمحتوا فينا متلوفين في طرقانكم البعيدة
مشيتوا بلا ما درتوا اللور تفتشوا عالسعادة
تمنيتوا من الحياة تعطيكم فرصة الإعادة
و حكمتوا بالإبادة
على الطفولة لي عدمتوها بمحض الإرادة
كبرتونا معقدين بقلوب محروقة
ما جبرناش الحنان في الأحضان المشقوقة
الصغر داز في الأحزان و الضحكة غير مسروقة
بقاو في بالي ذكريات ما كرهتش نقلعها بعروقا
هكذا كان مقدر
هكذا كان مكتاب
عمري قلت علاش
حيت سؤال ما عندو جواب
هاذ الشي كان مقدر
في لحظة كل شي ذاب
كلشي تخسر
و بقات حياتي عذاب
ما عرفتشي كيفاش جمعكم القدر ، زواجكم كان ...
... خسر كلشي ...
فكرتوا فنفس الحل قصدتوا الباب بنفس السرعة
صافي كلشي تسال فحال لي كنا عايشين خدعة
من تما بدا العذاب كل ما كبرنا يزيد فالجرعة
تلفنا فالضياع و فالنسيان جبرنا المتعة
الحزن فقلبي شاعر و الشعر يسيل فخذي
يقتل المشاعر لي باغية تكون ضدي
الكوابيس السوداء اغتصبت حلمي الوردي
باقي غير فالربيع ... بالوردي
بقيت غير رماد غير مجرد بقايا
نتوما اخترتوا البداية و اخترتوا حتى النهاية
بلا ما تفكروا لحظة بلي حنا غير ضحايا
طويتوا علينا الصفحة ، كل واحد دا رواية
و بدات الحكاية ، حكاية طفل حزين
حياتو دفعها ثمن أخطاء الوالدين
هكذا كان مقدر
هكذا كان مكتاب
عمري قلت علاش
جيت سؤال ما عندو جواب
هاذ الشي كان مقدر
في لحظة كل شي ذاب
كلشي تخسر
و بقات حياتي عذاب
الأحاسيس فقلبي مخلطة
أقرب ناس فالكون غلطوا فحقي أكبر غلطة