paroles de chanson Palomma è notte - Peppino di Capri

Di: Di Giacomo/Buongiovanni

Tiene mente 'sta palomma,
Comme gira, comme avota,
Comme torna n'ata vota
Sta ceròggena a tentá!
Palummè' chist'è nu lume,
Nun è rosa o giesummino...
E tu, a forza, ccá vicino
Te vuó' mettere a vulá!...
Vatténn"a lloco!
Vatténne, pazzarella!
Va', palummella e torna,
E torna a st'aria
Accussí fresca e bella!...
'O bbi' ca i' pure
M'abbaglio chianu chiano,
E che m'abbrucio 'a mano
Pe' te ne vulé cacciá?.

Torna, va', palomma 'e notte,
Dint'a ll'ombra addó' si' nata...
Torna a st'aria 'mbarzamata
Ca te sape cunzulá...
Dint"o scuro e pe' me sulo
'Sta cannela arde e se struje...
Ma ch'ardesse a tutt'e duje,
Nun 'o ppòzzo suppurtá!
Vatténn"a lloco!
Vatténne, pazzarella!
Va', palummella e torna,
E torna a st'aria
Accussí fresca e bella!...
'O bbi' ca i' pure
M'abbaglio chianu chiano,
E che m'abbrucio 'a mano
Pe' te ne vulé cacciá?.