paroles de chanson آسف - Qabaha

اسف عكلشي
اسف ع كسوري قبل كسورك
مستصعب اني اكتب او أعبر بأغنية

اسف ع كلشي
عتفاصيل سطوري جوا سطورك
و يا ريت قدرت اعطيكي ذكرى حلوة مش هدية

اسف عكلشي
عكل دقيقة ضيعتيها عوقتي
عيونك كانت تحكي كلشي مع انك كنتي سكتي

اسف عكلشي
لما تلمحي و انا اعمل حالي مش فاهم
تمنيت اسمع منك اكثر و يا ريتك حكيتي

انتي وين ؟
بكل مكان بتمنى اشوفك
وتكوني انتي مش خيالك
والله فقدتك
كثير شتقتلك والله
و الروح كثير حنّتلك
والقلب بأسمك حنّتلك
حكيت وحضل اقلك

عارف ما بنحب ولا بتصاحب من بنت أو شب
لما فش قلب يكونلي مسكن ليش أكون لقلوبهم أب
و من كثر كسوري اتأكدت إنو عودي صلب
ولسا بحاول اتماسك كل ما ريح وجودك هب

بعّدتي صح بس برتاح كل ما أشوفك
وحضل اشوف بوجودك و لو انو عتمة نورك
كسرت حالي لحتى ما آذيكي و تأسفت عكل كسورك
وحضل احاول اوصل مهما عِلي سورك

نواطح ببني وانتي أرض تهدّي أساسي
بُعدك شتات ووجودك إشي أساسي
حتضلّي بعيدة كيف و انتي من اغلى ناسي
كيف مش سائل عنك ولا لأني عامل حالي ناسي

فيوم ميلادك مش حهديكي غير أغنية
لأنو لو قدرت أوصلك أنا حعطيكي قلبي هدية
كل حروف اسمك بكتبها وأنا سرحان بين أفكاري
بفكّر و بسأل حالي هل البعد كان قراري

كيف
وانا اللي كل مرة كنت احاول
كيف
يمكن لاني كثير كنت بالحب اعاتب
وهيني بسأل و بجاوب
كان نفسي اسمع صوتك
أو خلّيني بوهمي أواكب

القرب منك حرب و أنا جاهز اني اخوضها
وبعدك عني نار قرارك كان وقودها
وكل ما تصير القصة احلا لازم كسري يسودها
وبعمل حالي عادي كل ما كانت قاسية كل ردودها

حضل اعيد كاره للتعلق انا
وبسهر كل ليلة بدونك بحسها ألف سنة
ما بعرف ايش بتدعي بليلك بس انا بدعيلك بالهنا
أيامي بدونك كأنها عدم

ف اقسم
بمن احل القسم
مش حتلاقي زيي
ولو انو ضحكة بوجهك رسم
مش تكبر بس عارف حالي وفي
واذا بدك اسألي حالك كم سر في بيري انكتم

بعرف كنت كثير شديد بس كلو من خوفي عليكي
خوف تجيبي العيد بطيشك و بفعل اديكي
وتقبلت فكرة كل الحق عليّ مش عليكي
وانتي عارفة تنازلت كثير لحتى أواسي فيكي

قلبي صفّى قاحل احاسيس جواتو ميرامار
وفيوم ميلادك ححاول انسى كلشي بينّا صار
من كسور و مشاكل بس الذكرى الحلوة تضل
حضل أشّر عليكي ولو انك اشرتي ع (نَلّ)

بعيدة عن عيني
قريبة من قلبي
حييجي يوماً ما
تكوني قريبة منّي