paroles de chanson نفاق - Qabaha

مش منافق فما بهمني كثير المظهر
وفكل ألعاب الحب دايماً انا فيها بخسر
وف كون الحب دايماً انا جوا المغفر
فاشل في الخداع و غيري ماخذ اوسكار

وكل ما افتح بلاقيه Active now
زي كأنها بتقول لقيت غيرك
و انت يلا من حياتي تشاو
وآخرها بلوك
I know this is the law
عادي متعود مش هالاشي الـwow

انا كالمحيط خافي كثير اسرار ما بتنشاف
تشبيه جميل اذا كان النفاق هو المبدأ
بس انا ما عندي اسرار انا زي لوح كزاز شفاف
صريح و ما بنافق انا هيك من بدء المنشأ

ف عادي اني اكتب و أرجع اشطب
شو بدّي بالافكار دام إنو القرار مش ملكي
دايماً قلبي اللي بتحكم و نفسي فرصة منو اطلب
ولمّا الضّو انطفى بهالعتمة قلّي لمين اشكي
(قلّي لمين اشكي)

ناس بتنام مرتاحة
و ناس صاحية تفكر فيهم
وناس مش عارفة تقدّر
شو خسرت علشان ترضيهم

وناس بتنام مرتاحة
و ناس صاحية تفكر فيهم
وناس مش عارفة تقدّر
شو خسرت علشان ترضيهم

بعرف حزين و حزين كثير مبيّّن
بس بعمري ما انحطيت بموقف هيّن
واكثر سؤال بيجي ليش ما تبيّن
والله لكثير أسباب بس خلّي الناس تخمّن

هدوء قاتل و وحدة وبرود أعصاب
وتفكير الليل بفرصة ضاعت أو ظلم احباب
وكل من اعطيتهم ثقتي ظنّي فيهم خاب
وكل من أثبت وجودوا ، بوقت الشدّة غاب

كيف لسا فيي روح! كل اللي فيي جروح
افهم انو لازم ترحل مش شرط ينقلّك روح
طيّب قلي عالأقل (لا مش مسموح)
طيّب قلي عالأقل (لا خليك مجروح)

نفاق أوهام اكاذيب و محد غيرك بنلام
اصبر يمكن تنسى هيها بتمر الأيام
وصرت اكره اكتب خوف إنو الحقيقة تجرح
وحضل أعمل حالي ناسي و أنا كل يوم فيكي بسرح
(كل يوم فيكي بسرح)

ناس بتنام مرتاحة
و ناس صاحية تفكر فيهم
وناس مش عارفة تقدّر
شو خسرت علشان ترضيهم

وناس بتنام مرتاحة
و ناس صاحية تفكر فيهم
وناس مش عارفة تقدّر
شو خسرت علشان ترضيهم