Blues

Rust in vrede grote makker
Et vlot niemi met slapen kliggen olle nachten wakker
Peizend an de schone dagen damme wieder ier beleefd en
Kvoeln me gezegend dak tope me joen geleefd en
Want gie kost elke slichte dag azomo upfleuren
En ok nie goed in me vel zaatn me upbeuren
Baby, baby, I got the blues for you
Mo nu voelek men erte stuk scheuren
Want gie begreep me zoender moeite doen
Nu besef ek dak zovele zien gegroeid deur joen
Je wos zovele slimmer dan da vaak gedacht werd
Zalig voe te zien oe dat de tijd e band sterkt
En uze band wos nie te breken of te kraken
We beleefden zoveel dagen tegoare echt veel te zalig
Baby, baby, I got the blues for you
Mo nu voel ek me toch redelijk verslagen
Kmissn de warmte daj gie utstraalde
En bovenol de dolle streken daj gie uthaalde
Twee handn up e buk, we woarn e topteam
Elke dag zoender joen is toch e bitje ofzien
En tis nie juste ik zovele zieln missn je
Je liet e diepe indruk achter in us binnenste
Baby, baby, I got the blues for you
Me beste moat, azo eer ek en erinnerk je

Ik wistn daj me ging verloatn up e dag
Mo dat die dag zo rappe kwam dad akke noois nie gedacht
Dus, zit ek ier nu vastgekooid in beklag
Werepeizend oe dat vroeger zoveel schoner was
Ik wistn daj me ging verloatn up e dag
Mo dat die dag zo rappe kwam dad akke noois nie gedacht
Dus, zit ek ier nu vastgekooid in beklag
Werepeizend oe dat vroeger zoveel schoner was

Kherinnern me de dag dak je voe't eerst zagen
Je wou direct me moat zien, kmoestn nie eens vragen
We addn e klik die achteraf noois verdwenen is
Tis gek dat da ol meer dan 15 joar geleden is
De tied goa rappe oj in goeie compagnie bevient
Kadn noois gedacht dakke voe joen nog ging e liedje bringn
Baby, baby, I got the blues for you
Mor up die wijze wil ek togen daj gie nie verdwient
Je bluft ier bie me toet de dag dak zelve t'lood leggen
Kvoelde je liefde, je moestet nie met e woord zeggen
E blik olene wos voldoende voe te weten
Of dat olles wel ok wos, zoender spreken
Kostn wieder converseern met elkoar
Je et me sowieso van massas veel stress in me leven bespoard
Baby, baby, I got the blues for you
Die onvorwoardelijke liefde kuj nie evenoarn
De latste weken stoar ek af en toe no foto's van je
Sluit ek men ogen en droom ek van je
En hoop ek da je leven olles wos da je wou
Dak voldoende en gegeven an je, kweetn dak vor ossan go rouwn
Mo kleggn de focus up de bruggen die gebouwd zien
De schone dagen en momenten zien voe oltied
Baby, baby, I got the blues for you
Merci voe olles ollerliefste Pokey

Ik wistn daj me ging verloatn up e dag
Mo dat die dag zo rappe kwam dad akke noois nie gedacht
Dus, zit ek ier nu vastgekooid in beklag
Werepeizend oe dat vroeger zoveel schoner was
Ik wistn daj me ging verloatn up e dag
Mo dat die dag zo rappe kwam dad akke noois nie gedacht
Dus, zit ek ier nu vastgekooid in beklag
Werepeizend oe dat vroeger zoveel schoner was