paroles de chanson Ya Control Sajjel Lena Aqwa Dokhol - Shelat

ياكنترول یا کنترول سجل لنا اقوى دخول
حسب الدلايل والفعول
فعل السعودي مايزال
حنا ليا ثارت نشوش
ونقلب على البيداء وحوش
وامن الوطن دونه جيوش
بالثياب بالبدال
نقدح طناخه من سطر
ماهمنا درب الخطر
نشرب من الدم الحمر
كانه فناجيل الدلال
ومعاهدين ال سعود
ولانفرط بالعهود
حنا عمى عين الحسود
من دون شك ولا جدال

حنا فدايا ابو فهد
وابشر بعزك والسعد
على العهد على العهد
مانميل لو مال العقال
بارواحنا نفدى البلد
باكبر ولد واصغر ولد
ولانحسب حساب احد
ناقف على خط القتال
والي يريد الزعزعه
والله ما حنا معه
بالسيف الاملح نردعه
لو كان ابن عم و خال
الجيش عنوان الصمود
هيباتهم هيبات اسود
وحنا جميعاً له جنود
من الجنوب للشمال

ايران هي راس البلا
شر على كل الملاء
من قم حتى كربلاء
هي شر لا بده يزال
لكن جيناها سوا
ما للمرض غير الدوا
وندوس ملعون الثوى
في السلم ولا الاحتلال
النار تقدح بالزناد
وتحول الأعداء رماد
صباح ولا فـ الهجاد
ما للهبال الا الهبال
نمشي على كل الدروب
شمال ولا فـ الجنوب
حنا مطانيخ الحروب
رجال لا قالو رجال
والي عبث في ديننا
والله ما يدخل بيننا
ينهان قبل يهيننا
ويداس من تحت النعال
أبشر بعزك يـ المليك
اسلامنا ما به شريك
وحنا صقورك ما عليك
صقور من فوق الجبال
وأسم العروبه نحتميه
لو تطمع الانذال فيه
في وجيهنا قبل الوجيه
نفداه في حال ومال
والحربي بندر قالها
المملكه برجالها
باقوالها وافعالها
ما تختلف في كل حال
كذا کذا کذا المراجل او بلاش
عاش السعودي عاش عاش
ما عاد في الدعوى نقاش
ياللي تعادينا تعال