paroles de chanson Mei, des konn koana wissen! (Lustiges bayerisches Kinderlied) - Sternschnuppe

Die Katz geht jeden Abend naus
Strawanzt de ganze Nacht
Kimmt erst in da Friah ins Haus
Was de do woi so macht?

Mei, des konn koana wissen
Wei des koana wissen ko
Aber wissen, aber wissen
Ja, wissen mecht mas scho

Mog so a Fisch im Wasser a
Ab und zua sei Ruah?
Und macht er dann zum Schlaffa a
Seine Augn zua?

Mei, des konn koana wissen
Wei des koana wissen ko
Aber wissen, aber wissen
Ja, wissen mecht mas scho

Warum werd a Floh net groß?
Ob des woi oana woaß?
Und sog moi, über wos
Meckert bloß die Goaß?

Mei, des konn koana wissen
Wei des koana wissen ko
Aber wissen, aber wissen
Ja, wissen mecht mas scho

Konn a Dackel denn a woana?
Warum is des Wasser nass?
Was is weniga ois koana?
Und wo wohnt da Osterhas?

Mei, des konn koana wissen
Wei des koana wissen ko
Aber wissen, aber wissen
Ja, wissen mecht mas scho

Kennan Hehna wirklich lacha?
Konn a Schneemo denn a friern?
Konn a Kuah a Urlaub macha?
Konn a kloana Schoaß scho fliang?

Mei, des konn koana wissen
Wei des koana wissen ko
Aber wissen, aber wissen
Ja, wissen mecht mas scho

Konn a Schmetterling a küssen?
Warum sogt ma Löwenzahn?
Und wir möchtn so gern wissen
Konn a Wurm a Bauchweh ham?

Mei, des konn koana wissen
Wei des koana wissen ko
Aber wissen, aber wissen
Ja, wissen mecht mas scho

Sog, wia schaut des Christkind aus?
Was wiegt a Tütn Luft aso?
Sog moi, muaß da Nikolaus
Aa scho moi aufs Klo?

Mei, des konn koana wissen
Wei des koana wissen ko
Aber wissen, aber wissen
Ja, wissen mecht mas scho

Mei, des konn koana wissen
Wei des koana wissen ko
Aber wissen, aber wissen
Ja, wissen mecht mas scho