paroles de chanson Maskebau - Steve Kali

Aber isches de o, was mer sueche
Nei, meischtens weih si meh
Dini Maske isch so ächt, dass me meint, me heig di gseh
Weisch du meh - (weisch du meh)
Mir lade ii zum MaskeBau - (Yeah)
We mir witer ine Schatte luege
Wirsch du d'Geischter leider gseh
Drum Maske uf, Blind-Date, zeig nid einisch meh - (niemaus)
Blinddate uf anonymem Karnevau

Chumm, i lad di iih, fürne churze Tanz
Aus blibt anonym, öb Mah oder Frou, s'isch androgyn
Nurno Hass derbii, wöu ne bruchsch im Kampf
Bisch du guet im Tanz, s'isch ä Akt vo Gwaut
Dä Bsuech isch privat bi däm MaskeBau

D'Tanzflächi isch äs Schachbrätt
Vore d'Puppe, hinger dä, wo drüber d'Macht hätt
S'isch de König, wo di Fäde i dr Hang häbt
Auso tanzet - Är seiht tanzet
Dihr sitt gfange, wöu dir wartet, was derbii passiert
Doch beschränket nech uf Schach, das isch chlikarriert
Öii Wäut het ä vorgsehni Loufzit
Bewegt me sech dert inn, wird meh so gseh nie Tschoud si

Aber isches de o, was mir sueche
Z'Läbe tot läbe u sis Grab verflueche
Mir lade ii zum Maskebau
Blinddate uf anonymem Karnevau
We mir witer ine Schatte luege
Wärdes soz'säge aues schwarzi Blueme
Mir lade ii zum Maskebau
Blinddate uf anonymem Karnevau

Wiich us
Du machsch ä Zug und i gliich us
Du bisch gfange zwüsche 64 Fäuder
Aues schwarzwiiss macht ja gar ke Sinn
Liecht us
Du wartisch nur, wöu du Zit bruchsch
Zug um Zug, mir si nid gliich uf
We dir da nur Schach blibt, wirsch ja Farbeblind

Di Move cha nid cho, denn du dänksch nid sicher
D'Figur a dr Front het beschränkti Schritte
Doch kämpfsch di bis a jenes Ändi witer
Schlöh si di ja när zum Ritter
Drum dänk di nid wäg, nur wöu's längwilig hättsch
Ä Beförderig für di wartet am Ändi vom Brätt
Dis Läbe, di Wärt, wosch, dass z'Gägenüber äbe isch
U d'isch de Grund, dass du deswäge hüt mi Gägner bisch

Aber isches de o, was mir sueche
Z'Läbe tot läbe u sis Grab verflueche
Mir lade ii zum Maskebau
Blinddate uf anonymem Karnevau
We mir witer ine Schatte luege
Wärdes soz'säge aues schwarzi Blueme
Mir lade ii zum Maskebau
Blinddate uf anonymem Karnevau

Mir lade ii zum Maskebau
Blinddate uf anonymem Karnevau