paroles de chanson Škarpelin - Tedi Spalato

Cili život sebe dajen
Štemam, glancam, piketajen
Kamen bili, kamen sivi
Već su pisci prešidenti
Oficjali, manovali,
Mušterije moje bili

Stare cure, mlade švore
Primadone i šinjore
Figuraju ka' u raju
Kad in život uzme miru
A moje i' ruke smiru
U kamenu vično traju.

E lipi moji, zna kamen siv
Ja san škarpelin otka' san živ
Meni je kamen i kruh i križ
Ja san škarpelin, dlito i friž

Sve prežence bogatune
Siromaje i šporkune
Sve san ovon rukon klesa
U kamenu sve in piše
Bili pa i' nima više
Otišli su na nebesa

Živi kamen tvrda stina
Kruh pokora o' davnina
Moju ruku lipo sluša
Kad ga špican oli drican
Macolon i puntarolon
U njemu je moja duša

E lipi moji, zna kamen siv
Ja san škarpelin otka' san živ
Meni je kamen i kruh i križ
Ja san škarpelin, dlito i friž

E lipi moji, zna kamen siv
Ja san škarpelin otka' san živ
Ja san škarpelin otka' san živ