Mormon Braes

Fare thee well, ye Mormon Braes,
For oft times A′ve been cheery.
Fare thee well, ye Mormon Braes,
For it's there A′ve lost ma dearie.

As A went in by Strachen Toon
A heard a fair maid mournin.
She was makin sair complaint
For her true love ne'er returnin.

Thar's mony a horse haes slipped an fell
And risen again richt early.
Thar′s mony a lass has lost her lad
An got anither richt rarely.

Thar′s as guid fish in tae the sea
As ever yet were taken.
A cast ma nets and try again,
For I am anely ance forsaken.

Sae A will put on my gown o green,
As A forsaken told him.
And we'll let the young lad know
That the bonds of love are broken.

Sae A′ll gang back to Strachen Toon
Whaur A wis bred an born in,
An A will get another young lad
Tae marry me in the mornin.