paroles de chanson Palästinalied - Walther von der Vogelweide, James Bowman, Early Music Consort Of London & David Munrow

Álrêrst lébe ich mir werde,
Sît mîn sündic ouge siht
Daz here lant und ouch die erde,
Der man sô vil êren giht.
Ez ist geschehen, des ich ie bat:
ích bin komen an die stat,
Dâ got menischlîchen trat.

Schoeniu lant, rîch unde hêre,
Swaz ich der noch hân gesehen,
Sô bist dûs ir aller êre.
Waz ist wunders hie geschehen!
Daz ein magt ein kint gebar,
Hêre über áller engel schar,
Wáz daz niht ein wunder gar?