paroles de chanson Kyon Hawa - Lata Mangeshkar , Madan Mohan , Javed Akhtar

Ek din jab savere-savere surmai se andher kee chadar hataa ke
Ek parbat ke takie se sooraj ne sar jo utayaa to dekha
Dil kee vaadi mein chaahat ka mausam hai aur yaadon kee daaliyon par
Anginat beete lamhon kee kaliyaan mahakane lagee hain

Ankahee-ansuni aarazoo
Aadhee soi huee, aadhee jaagi huee
Aankhen malate hue dekhati hai
Lahar-dar-lahar, mauj-dar-mauj
Bahtee huee zindagi jaise har pal naee
Aur phir bhee vahee, haan, vahee zindagi

Jiske daaman mein koyi mohabbat bhee hai, koyi hasarat bhee hai
Paas aanaa bhee hai, door jaanaa bhee hai aur ye ehasaas hai
Vaqt jharne sa bahata hua, jaa raha hai ye kehtha hua
Dil kee vaadi mein chaahat ka mausam hai aur yaadon kee daaliyon par
Anginat beete lamhon kee kaliyaan mahakane lagee hain

Kyun haea aaj yoon ga rahee hai?

Kyun haea aaj yoon ga rahee hai?
Kyun fizaa rang chhalkaa rahee hai?
Mere dil bataa, aaj hona hai kya?

Chaandanee din mein kyun chha rahee hai?
Zindagi kis taraf jaa rahee hai?
Mere dil bataa, kya hai ye silsilaa?
Kyun haea aaj yoon ga rahee hai?
Ga rahee hai, ga rahee hai

Jahaan tak bhee jaaen nigaahen, barasate hain jaise ujaale
Jahaan tak bhee jaaen nigaahen, barasate hain jaise ujaale
Saji aaj kyun hain ye raahen? khile phool kyun hain niraale?

Khushbooen kaisee ye baha rahee hain?
Dhadakanen jaane kya kah rahee hain
Mere dil bataa, ye kahaani hai kya?
Kyun haea aaj yoon ga rahee hai?
Ga rahee hai, ga rahee hai

Ye kis ka hai cheharaa jise main har ek phool mein dekhtaa hoon?
Ye kis ka hai cheharaa jise main har ek phool mein dekhtaa hoon?
Ye kis kee hai aavaaz jiskoo naa sun ke bhee main sun raha hoon?

Kaisee ye aahaten aa rahee hain?
Kaise ye khwaab dikhalaa rahee hain?
Mere dil bataa, kaun hai aa raha?
Kyun haea aaj yoon ga rahee hai?
Ga rahee hai, ga rahee hai