Текст песни Da Van, Da Jack, De Georgia, De Gloria & I - Live - Kurt Ostbahn feat. Kurti Ostbahn

Angfangt hods am Donnerstog
Do woa ois grod am End
Sie woa fuat und i woa wia daschlogn
In die eigenen vier Wänd
Bin ausse mit der letzten Kroft
Hob ned gwußt wohin
Und triff in dera Hüttn den Van (an Iren)
Und den Jack aus Tennessee
Da Van der hod wos gsunga
Da Jack und i hobn wos
Untanumma gengan Durscht
Do kummt a rothaariger Engel, uh
Dea woa ma echt ned wuascht

Da rote Engel sogt: I haaß Georgia
Sog i: Ah, Georgia on my mind
Sogt sie: Blitzkneißa, ruaf mi an
I glaub, mia zwa werdn no Freind
I loß mi ned lang bitten, oba
Es leit und leit und kana do
Oiso hock i mi wieda zu ihr und sog
Heite ned mei Tog
Und Du haaßt wirklich Georgia
Wia kummt ma bei uns zu so an Nam
Sogt sie: Peckst no a nächste Runde
Dann haaß i Gloria

Zirka 30 Runden späta
Warats langsam Zeit zum Gehn
I gib dem Kellner an scheen Schmattes
Und er hilft mir beim g'raden Stehn
Dann draußn auf da Stroßn
Suach i noch mein Wogn
A 57er-Chevy, glaub i, aber
I kanns heit nimma sogn
De Georgia lahnt se daweu zuwe
Daß mi der Schwindel packt
Muaß mi sofurt bei ihr stützen
Bevuas mi aufs Pflosta prackt

Dann san ma in an Taxi und
Draußen wochsn kane Bam
Do san nur Himmel, Stern und Stana
Und der Taxla der wü ham
Mia liegn vua dera Aussicht
Auf amoi liegn ma neben sooo ana Kaktee
Da Taxla mocht an Abgang, fäult
Mi halts es ned am Schmäh
De Georgia rennt im klanan Schwarzn
Auf solche Absätz durchn Sand
I renn ihr noch und frog mi: Trogt de bei
Solche Ausflüg immer ihr bestes Gwand

De Sunn kommt und a Zug kummt
Und im Viehwagon is no wos frei
Mia steign zua und hobn zum
Nulltarif a batzn Hetz im Heu
Später schau i amoi ausse
Do is a Schüdl: "Georgia" oder so
Do sogt de Gloria zur Georgia
A Station no und mia san do
I versteh nur Bahnhof und werd
Auf amoi furchtbar miad
Wia i eintunk an ihra Schulter frog i
Seit wann san ma denn zu dritt

I woch auf, do is de Sunn im Geh
Und de Engeln de san fuat
Loßn mi do liegn, poschn o
Ohne a anzigs Wuat
I renn tausend Kilometa
Z'ruck in de Bar
Wo da Van und Jack no auf mi wartn
Und ruaf de Georgia an
I sog Georgia heast, ah, Gloria
Wo bleibstn, I hob glaubt
Sogt sie: Was soll das? Ich lieg noch im Bett
Und wer sind sie überhaupt

Uh, Georgia
Gloria