Текст песни AS-SOU2AL AL-2AWAL - AIMANE

لا شتي الفنان بئيس عرفو باغي من فنو القيمة أو لا طامع في الخليص
عندك الحليب؟
اهدر بالدارجة شوية طرجمة دالعندليب
واخة كانبان play boy مامقشرشي مندلين
اسمع مزيان باش نساليو
واش تبغي أختك تكون فحال أختك؟
بغيت جواب مع التعليل
علاش النوم ما حلالي؟
واخا يمّا كاتبغيني گاع ما غار من الوليد
هل من مزيد؟
ربي!
علاش غيضحكوا على أختي إلا ضحكت على بنات الناس؟
شنو ذنبها هي لا أنا اخترت نساعف الخناس؟
ربي!
علاش زرعتي فيا الرغبة نوحد المسلمين؟
اسمح لي إلا خلعتني شي حاجة غير يوم الدين
اسمح لي على الشر اللي كتبتو بهاد اليدين
بغاوني نكون طبيب طلعت كانراپي
كن غير خرجت فحال ولد عمي مؤذن
باغي نعرف الحقيقة ونفرح الولدين
ربي!
ذنوبي كثيرة عارف
بالي غير مع ذنوبي واخا حسناتي ألف
باقي فقلبي تالف
باقي صغير وعقلي شارف
ما بغيتشي مع شيطاني نفسي تخليني نتحالف
أصلاً الأفكار غير هرمونات
لا شتي جنازة غير بكي وصافي ما كيهمشي شكون لي مات
فكر فدابا ما يخلعكشي ديك لي ماجي وما يبكيكشي ديك لي فات
مرة كنأمن بالله مرة كنقول ما كاينشي ونوض نصلي شي ركعات
ملي جراو علينا من الجنة حواء علاش گاع ما كعات
الطغيان ماشي مزيان، حتى لي لابس كيولي عريان
حاول توب لربي دغيان

كون كان الصبر خدمة غايكون صاليري بالbitcoin
الله لا يوريك كيفاش كنت
الله لا يوريك كيفاش كنبان برجوازي وأنا عندي الناقص في compte
قلالين لي كيعرفونا بلحق لي كيحقو tout le monde
وحتى اللي كيكرهونا غير حيت گاع ما قدرو يغلبوا
السم لي قلاوهنا شربوه
حتى اللي حگروا جاو يرغبوا
بغاو ينقصو مني بداو على راسهم كيكذبو
ماتو لي تقالين ولي زربوا
واخا يتبدلو المفاهيم المنطلق هو هو
حيت ماشي في الطريق دالله عليها كنحس بالقوة
ما كانحاربشي الشيطان حيت نفسي هي العدوة
ديك لي قال عليا العيب فكرني فيه شكون هو
واخا كيتغامزو عليا عقلي گاع ما كيتنوا
علمونا صغار لي قلبو بيض كيبان فوجهو منور
والحمد لله ما تيقتومشي واخا ما كونتشي مطور
وl'ego عمرو ما قوليني واخا في درهم نتصور