Amine

دیسان عاشقان مەجلیسیان گرت
بەعام ناردیان ساقییان بانگ کرد
ساقی مەست بوو پیاڵەی پڕ کرد
ئامینێم تاقانەی دایێ
ڕەببی ساقی شووشەت کون بێ
جامی دەستت سەرەوبن بێ
بەڵکوو سوودێکت بۆ من بێ
ئامینێم تاقانەی دایە
ئامینێم ئامینێم ئامینێم

زیز مەبە یاری دووروڵات
پاییز ڕۆیی زستان داهات
بزەت بۆ من بۆتە ئاوات
ئامینێم تاقانەی دایێ
هاوین خەرمان لەبەر بایێ
شەماڵ کەوتووە زریان نایێ
هەڵیان بڕیم لە لەیلایێ
ئامینێم تاقانەی دایێ
ئامینێم ئامینێم ئامینێم

لە سابڵاغێ وەدەر کەوتم
لە گوڵەزەردان وەسەر کەوتم
وە دوای کۆچی لەیلا کەوتم
ئامینێم تاقانەی دایێ
گوڵ پەیدا بوون لە موکوریان
خونچە پشکووت بە بای زریان
دەستەی عاشقان بۆی دەگریان
ئامینێم تاقانەی دایە
ئامینێم ئامینێم ئامینێم