Текст песни Wa'fet Nasyet Zaman - Ahmed Mekky

إنت فاكر رمضان؟ كان الناس بتـ ...
بتعلق زينة (تعلق زينة)
وبيتحط ساعات نشارة ملونة
كنت لسة هقولك عليها
وبيجوا بواحد يعمل فريم أبيض كدا بدقيق ولا بجبس ويرسم جواه، ده كان فن
حبل النور فيشته كانت بتتوزع كل يوم على شقة
إنت فكرتنى بدي، دي كانت رهيبة برضه (أه)
ليها معنى كبير (طبعا ماحدش يشيل لوحده)

الطبق الى دايما طالع نازل فى كل شقق العمارة
أه طبق هو بيجيلك وبيترد وبتوديه وبيجيلك
وتعمل انت حاجة تملاه وتبعته وبيرجعلك تاني (دي كانت جميلة)
دلوقتى الموتوسيكل يخش ع البنت عليه تلاتة (تلاتة أه) يخشوا يقلبوها من شنطتها
يقلبوها من دراعها وياخدوا منها أي حاجة
ممكن يقرصوها أصلاً (أه) من غير أى سبب ولا عملوا حاجة ولا خليوا من الـ ...
ولا خليوا من الحاجة

زمان البنت وهى مروحة كانت أول ما بتخش المنطقة
خلاص كأنها دخلت البيت، أمان (دخلت البيت، بالظبط)
والدار أمان
الدار أمان
فاكرين ولا
فاكرين ولا
ولا نقول كمان

وقفة ناصية زمان إدتنا إزاى نملك لسان
موزون بيلاغى الصايع والضايع والجنتلمان
كله سيان
قابلنا كل أنماط جنس الإنسان
وإتعاملنا فإتبنى جوا الدماغ بوصلة وميزان
فى جزء الثانية بنعرف نفقس مين جدع ومين جبان
ومين بقلب مات وأسود ومين قلبه بينبض حنان
ومين تشوفه تقول ده هادي ولو نكشته تشوف جنان
ومين غلبان ومين شيطان وجن وقرد وبهلوان

حتى الشقاوة ع الناصية كان ليها أصول
الخناق راجل لراجل مش راجل قصاد أسطول
كات وصمة عار كبيرة إنك تضرب واحد من الضهر
حصل هيحصلك عارك ويوصلك للقبر
ماكانش العادى إن القوى بيكسر الأضعف منه
تحس الكل كان مؤمن إن القوي فى الأقوى منه
من أول محترم شقي حتى المجرم كمان
الكلام ده شفته بعيني فى وقفة ناصية زمان
كنا عزوة للحتة وقفتنا تحبها
ياما وقفات دلوقتي الناس تتمنى هدها
ألفاظ شمال بصوت عالي و حشيشها فايح منها
إزاى ولاد الحتة يبقوا هما مصدر همها
قولي

كان ياما كان
وقفة ناصية زمان
كان ياما كان

وقفة الناصية إتعلمنا فيها كتير لغات
السغة لمون كانت لغة بنرغى بيها لساعات
لو فى غريب مابينا ومش عاوزين يفهم معنى الحاجات
ساسب حواجب سفهم يتنيل ساجع حالات
وفي كمان لغات جسد سبيل مثال
دى العيدية ودي الجيزة فوق الكوبري ودي الطالبية
ودى التلات طوابق إلى ناسها مية مية
وده الهرم ودي نفض ودي صبرك عليا

وقفة الناصية كانت زى النادى تمام
إتعلمنا فيها هواية إن كانت كلاب أو كان حمام
وقت الرغى فى الهواية مابيخلصش فيه الكلام
مافيش فلوس (عادى) برضه مابتموتش الأحلام
عملنا بإيدينا ملعب غية وطبلية وجيم
الحاجة أم الإختراع إسعى إتوكل تتم
ماكانش فيه آيباد تابلت واتساب فيسبوك واكلينلى يومى
يومى كله كان خبرات بشر من الفجر لحد نومى
مش معزول ومنطوى قدام شاشات وبالساعات
لأ وسط ناس ومجتمع بشارك فيه بكتير حاجات
ياما حلينا ع الناصية كتير مشاكل وحوارات
أخد الحق حرفة تبات ولعة وتصبح رماد

على وضعك يا عم مكى

يا ليلى يا ليلي يا عيني يا ليلي
منطقتى هى الطالبية
يا ليلي يا عيني يا ليلي يا ليل

يا ليلى يا ليلي يا عيني يا ليلي
يا ليل يا عيني يا ليلي يا، يا ليلي

فاكرين ولا
فاكرين ولا
ولا نقول كمان