Текст песни Granni granni - Alessio Bondì

Ddà 'ncapu custruivu una capanna, è china
R'i me' vasati annigghiati
R'i me' capiddi e ri me' ragni
Ch'i pittusi chi hannu a rispirari
'A me' capanna è granni granni
È granni granni ma
Nun ci veni mai nuddu

Ma nun t'alluntanari
Ca ni n'hamu a ghiri
E nun ti preoccupari
Fazzu strata iu
E 'un ti scantari mai
Sirpenti nun ci nn'è
E nun t'assistimari
Si biedda comu si
Accussì 'un nni ni jamu cchiù

'A me capanna è fatta ch'i mulletti
È china 'i dienti 'i latte e di unghia rutte,
Ci misi 'a me' prima bicirietta
È china 'i signa 'i cruci e di pittiddi
Cugghiar'i lignu, è china 'i notti
N'a me' capanna ci su' àvutre capanne
È granni granni, è granni granni ma...
È china di svalanchi!

Porta 'na para 'i pietri
Pi cu nni voli mali
Porta 'na cosa 'i viviri
'Un si po' sapiri mai
E nni strinciemu ddà
Dunni jucava siempre
Jucava cu me' frate
E nun c'è cchiù tiempu
Pi addumannari picchì
P'addumannari dunni
P'addumannari "ma com'è?"
Tantu 'un l'hei saputu mai

Viu tutti cosi granni granni