Текст песни L'oru - Barbara Furtuna

Vulia assulià
I to ghjorni ancu à vene,
Di sonnii arraccamà
E to notte serene,
Vulia suminà
Di centumila stelle
Sin'à l'alburià
L'oru di la to pelle.

Vulia induvinà
I to cenni d'amore
È ti vulia dà
U veranu in un fiore
È vulia intriccià
À cullane di speme
L'ore felicità
Ch'aviamu da passà inseme

U tempu pò spulà
L'ore cum'è candelle
Ùn possu sminticà
L'oru di la to pelle.

Vulia navicà
Cun tè à core scioltu,
Gode l'eternità
D'issu mumentu coltu,
U tempu si ne và
È si more ogni stonda,
Di u mio sunnià
U vascellu s'affonda.

Mi vurria invintà
Un antru lindumane
È per sempre sguassà
Isse ferite landane,
U vurria smattà
Issu focu mai spentu,
Mi vurria scurdà
Eppuru mi ramentu...

U tempu pò spulà
L'ore cum'è candelle
Ùn possu sminticà
L'oru di la to pelle.