Текст песни En Unserem Veedel. - Live - Bläck Fööss

Wie soll dat nur wigger jonn?
Wat bliev dann hück noch stonn?
Die Hüsjer un Jasse, die Stündcher beim Klaafe
Es dat vorbei?

En d'r Weetschaff op d'r Eck
Stonn die Männer an d'r Thek
Die Fraulückcher setze beim Schwätzje zosamme
Es dat vorbei?

Wat och passeet, dat eine es doch klor
Et Schönste, wat mer han, schon all die lange Johr
Es unser Veedel, denn he hält mer zosamme
Ejal, wat och passeet - en unsrem Veedel

Uns Pänz, die spelle nit em Jras
Un fällt ens einer op de Nas
Die Bühle un Schramme, die fleck mer zosamme
Dann es et vorbei

Wat och passeet, dat eine es doch klor
Et Schönste, wat mer han, schon all die lange Johr
Es unser Veedel, denn he hält mer zosamme
Ejal, wat och passeet - en unsrem Veedel

Dat es doch klor
Mer blieven, wo mer sin - schon all die lange Johr
En unsrem Veedel, denn he hält mer zosamme
Ejal, wat och passeet - en unsrem Veedel