Текст песни Schötzefess. - Bläck Fööss

De Stroß is jefääch un et Wedder nit schläch
Jirlande un Fähncher schmöcken d'r Wäch
Om Schötzeplatz steit och et Zelt schon parat
Et jrößte un schönste, et wod nit jespart
D'r Schötzezoch stellt sich am Spritzehuus op
D'r Hoot fess om Kopp un de Botz schön salopp

Hundertfuffzich Mann un en Fahn föhr et an
Un de Musik fängk mem Schneewalzer an
Op ener Kutsch mit zwei Pääd
Sitz d'r Künning drin un säät
Eins, Zwo, drei, schießen macht uns frei!
Jrön jrön jrön steht dem Schötzejunge schön
Jrön jrön jrön steht dem Schötzejunge schön
(Klappt ja prima)

Am Kriejerjedenkmal wed Halt jemaat
Un der Adjutant hät en Jedenkreed parat
Hä nemmp singen Hoot av un sät wat hä denk
Et Leben is schwer un m'r kritt nix jeschenk
D'r Zapfenstreich lös jetz dat Trauerspill op
Un jeschlossen marschiert m'r zum Schötzeplatz rop
(Ja)

Hundertfuffzich Mann un en Fahn föhr et an
Un de Musik fängk mem Schneewalzer an
Op ener Kutsch mit zwei Pääd
Sitz d'r Künning drin un säät
Piff, puff, paff, d'r Vojel muß eraff!
Grön jrön jrön steht dem Schötzejunge schön
Jrön jrön jrön steht dem Schötzejunge schön

Im Festzelt do hält dann der Künning en Red
Sing Frau sät noch flöck: Heinz, nu mach bloß nix verkeet!
Am Schluß vun der Red do steht et janze Zelt op
Et Bier kütt eran un de Sektbar määt op
(Jott sei dank)

Hundertfuffzich Mann un en Fahn föhr et an
Un de Musik fängk mem Schneewalzer an
Op ener Kutsch mit zwei Pääd
Sitz d'r Künning drin un säät
Zwo, Drei, vier, jetz jeiht et an et Bier!
Jrön jrön jrön steht dem Schötzejunge schön
Jrön jrön jrön steht dem Schötzejunge schön

Hundertfuffzich Mann un en Fahn föhr et an
Un de Musik fängk mem Schneewalzer ahn
Op ener Kutsch mit zwei Pääd
Sitz d'r Künning drin un säät
Radetzki wor ne jute Mann, drissejal!
Jrön jrön jrön steht dem Schötzejunge schön
Jrön jrön jrön steht dem Schötzejunge schön
(Un für alle meine Damen und Herren: Freibier, Ja!)

Hundertfuffzich Mann un en Fahn föhr et an
Un de Musik fängk mem Schneewalzer an
Op ener Kutsch mit zwei Pääd
Sitz d'r Künning drin un säät

Jrön jrön jrön steht dem Schötzejunge schön
Jrön jrön jrön steht dem Schötzejunge schön
(Zack zack)
(Ich liebe ehmen)