Fidjo Maguado

Nha terra bô ca ta imaginâ
Tristéza k'mi bo fidjo m'ta sinti,
Ora k'm t'odjob ta sofrê,
Nha alma ka ta podê resisti.
Ma m'tem fé na Nô S'nhor,
K'ess tristeza, ess dor,
Sofrimento profundo,
Que ca tem ôte na mundo,
El ta caba um dia
Pa nô sinti ligria
Pa nô podê vivê
Sima tude gente ta crê.
Lâ longe m'ta reza c'sentimento
De joêdjo m'ta pdi Deus c'amor
Kê pal caba-bo k'ess sofrimento
Pa ligria dess povo sofredor.