Текст песни HA'E'E KFAYE - DAM

Yeah

كنت مع جثة والدي ساعة، جثة جدي نص
ولا دمعة في عيني
بتفكروا الإشي طاردني بالمنام
بنام مثل الـbaby
وقفني قبال جمهور بحرقكم
قبال زوج عيون بتأتإلكم
إذا بتشوفني بقشر بصل جنب الجثة الجاية
فبحاول أكون مثلكم

هذا Effect حارات، رامات، إشكول
العواطف ما كانوش من الزوار الهون
للمقابر في قوة جاذبية
وأهلي ربوني أكون Armstrong
إبن الجار عاش عالفرد مات من الفرد
أبوي سجلنا في أحسن المدارس
عاش عالقرض مات من القرض
بس كان مصاب في وباء الشرق

قولي إجمد تبكيش، إجمد تشكيش
إجمد الدموع للي عندهم فرج
لما ولادي تبكي أول ردة فعل إلي
إجمد تشكيش بديش أسمع حرف
فابكي، نوح، طول شعرك، حط حلق، أنا بشتغل عحالي
دمعي تقطر بالقحط اللي بداخلي
ربي ما يكون حقيقي بحياتي متل ما أنا بالأغاني

أنا هيك، بعلق بين، غذاء الروح وبين غذا البيت
حقيقي كفاية، تعترف إني مش حقيقي كفاية
بكتب بيت، عالmolotov، بحياتي ما حملت غير Cabernet
حقيقي كفاية، تعترف إني مش حقيقي كفاية

خالي من botox كل شي بالوجه
بس مرات لفتح طرق بغير وجه
دربت النطق يبقى خشن
لأدخل الحارة، (لأدخل الحارة) بدون إذن
كنت إبتدائي لما شفت واحد بنقتل قدامي
بمثل الحارة في الأغاني
أما مبسوط إنه أنا وخواتي
ضبينا الشناتي ما رجعناش تاني

كتبت لأعكس حياتي الإعلامي
يهتم يوصل للعالم رسالتي
طلعت ساذج، العالم بهموش الفقر
والإعلامي جاي بس للشغل
حقيقي كفاي (حقيقي كفاي) مين خسر مين كسب
ما ليش أخلاق أكتب ديسات

الراب العربي مش ناقصه قافيات
بل ناقصه شوية (شوية، شوية)
مش عنصري، مش قومي
مش وطني أنا فقط إبن زمني
صريح كفاي، إنسان راضي
في قوتي وضعفي، قوتي وضعفي

أنا هيك، دوري هين، وأحيانا ماشي جنب الحيط
حقيقي كفاية، تعترف إني مش حقيقي كفاية
بنتقد، جناب البيك، وبسأل بتحطي كولونيا ليه
حقيقي كفاية، تعترف إني مش حقيقي كفاية

بلا مكياج، بلا كحل، حافية بلا بوط على المنصة
صور الهالات السودة وما تعملي فوتوشوپ بالمرة
الحقيقة فيها شوية دهون، شوية دهون
الحقيقة فيها شوية تجاعيد، مش صورة في magazine

هالبلدة ضيقة، لو أعيش برة كنت بوصل منصات عالمية
أو بالأحرى كنت بفقد ميزتي، هل أنا موهبة جغرافية؟
في مجزرة بالشجاعية بعمل جولة أوروبية مع إني مش من هناك
مجزرة بحُمص بنحط عالرف وبيوخدوا فنانة سورية

أنا بين حقيقية لواقعية، بين تشاؤميه لتفاؤليه
بالعروض بقول للجمهور يرفع إيديه وبالحقيقه مرات برفع إيدي
بعتمد ع فني، (بعتمد ع فني) هيك بقول كل صبح لنفسي
فني لا يعتمد عليه، هيك بيقولي موظف بنكي
الحقيقة فيها شوية ديون
الحقيقة فيها شوية ديون، شوية ديون، شوية ديون

أنا هيك، كرهانه اللعبه بس مرات بضطر ألعبها
حقيقيه كفاية، تعترف إني مش حقيقيه كفاية
بحارب لمساواة المرأه، مرات بستغل كوني مرأه
حقيقيه كفاية تعترف إني مش حقيقيه كفاية