Текст песни Black Hell - Didine Canon 16

تههههههه
حبيبة ما تبكيش نونو معليش
حبو يديرونا كود ايتا
كنتي ليزوم نتي في ظهري و ما نسيتينيش
عشقتيني كاسب برويطة
انايا الراي ما عنديش ما تلومينيش
لا والي لا زين لا ڨورميطة
نتي في بالك راني حايب هكدا نعيش
في كتافي وشام تاع اوميرطا
آه يا زمان لو لو تعيد نيفيتي شعال من غلطة
فالسعادة مانيش سعيد بالعكس راهي تزيد القنطة
شا ندير كاش باب راي جديد
و اخطيك مديك الخطة
حارب فالدنيا بابا وين يكون صنديد
دير عليهم تموت بجلطة
كي نتفكر كلام الفقيد قالي اعرف وين تتخطى
ما تضدحكش بزاف مام فالعيد
راك بلحنوشة تتغطى
فالحلال راني حالة
ليسموك فالحرام تغويني الزلطة
ظيق ڨاع لي كوكتال يا رمانة
قشورك مرار حبك حلاوة
صابرين ربي مولانا

نيتهم ديبة جيعانة
اللّٰه يبعد علينا هاد العانة
كود فالقفلة و غالق الفانة
دير هادي في هادي!! و روح عيش حياتك صاحبي
الناس دير فالعط و نتا مازالك دوموندي فطابي
حياة عايشها برا ما عنديش الوقت نسنابي
ما تعييني جرة ما عندي حاجةفي عرضي
ديديكس ليزوم لي وقفو معايا فيجنبي
ريحة اللوج نسمة مع الغربي
لي صاحب الاسم غير الصورة باش يبومبي
كي دير الموني هادوك يحبوك و يجيك يحبي
حاب نيفو ديبار راني عايش ابوبري
نطير بعيد نروح قريب لقدري
كاره من لحنوشة لي راهي تهدر في ظهري
دوك ما يتهناوش حتى يشوفوني في قبري
خبي سرك ما تحكيش يا لوكان سطر من حلقة
آبار العالي ما تشكيش هو داري يديك الحرقة
بيبان الجنة مفتوحين كيما مفتوح باب جهنمة
انا واحد من. الغافلين بوشامي خسرت القيامة
جوزنا عشريا و العشرين
فوقت الشدة تصيبنا واقفين
اللّٰه يطلق صراح المساجين
اللّٰه يهدينا و يهديكم كاملين
خليك مع ورق لخريف تبالي
اللّٰه يعافينا من ظلام الليل و سهر الليالي
صغري السلطان و اسمي كوني
انا في بلادي ظلموني
جرحوني بكلام عايروني
فالصح ما يعرفوني

انا نضحي باش تسمعوني نقمر بحياتي باش ندوني

جبدت روحي سامحوني ياو شكون يانترفوني

حبيبة ما تبكيش نونو معليش
حبو يديرونا كود ايتا
كنتي ليزوم نتي في ظهري و ما نسيتينيش
عشقتيني كاسب برويطة
انايا الراي ما عنديش ما تلومينيش
لا والي لا زين لا ڨورميطة
نتي في بالك راني حايب هكدا نعيش
في كتافي وشام تاع اوميرطا