Текст песни Maktoom Enwani - Eidha Al Menhali

ياأجمل فخر من ابوي الغايب الحاضر .
ياللي انكتب فيج تاريخي وعنواني
يا فاهمة ضحكتي مع كسرة الخاطر .
ومن نظرة العين تفهمني وتقراني
ابوي وصى عليج وقلت أنا حاضر .
وعليج مكتوم أمني ووصاني
يالشيخة موزة يا عمري ماضي وباكر .
أمي يا أصدق اسم ينطق به لساني
ياما وياما عليه لج جفن ساهر .
ياما وياما تعبتي انتي على شاني
أنا تفدّْاج وأفدى طيفج العابر .
يا عمري الحين وانتي عمري الثاني
ياللي بطيبج أنا أسكن فيج وآسافر .
واللي بغاني أنا بقلبج بيلقاني
أنا فديتج وأنا أفدا قلبج الشاعر .
ياللي من احساس قلبج كل قيفاني
ان قلتي روضة يفز القلب لج طاير .
لبيه لبيه من قلبي وشرياني
أمي ومن حقي أفخر فيج وآفاخر .
أشوف فيج الحياة وكل عرباني
أوعدج يبقى مكانج مقلة الناظر
يا ساكنة بعين روضة وظلج أجفاني
مادام ابويه موَّصي يبشر ويامر .
روضة أنا بنته ومكتوم عنواني