Текст песни Kobayt El 3asir - El Joker

حط سم فى العصير وابتسم عزرائيل
ونصه الأسود قاله أربع للبؤ الأخير
كفاية تفكير الحال مش هيتعدل
خايف من ايه مش أول مرة دى تتقتل

ما اتقتلت لما شيلت الهم ومتقالكش عاش
واتقتلت لما درست حاجة مبتحبهاش
اتقتلت اما اختارولك اتقتلت زى ميولك
واتقتلت لما عملت زى ما عازوا وسقفولك

نصه الأبيض قاله طب ما تشوف دافعهم
أو حتى كنت مانعهم بدل ما بكره تطاوعهم
الدنيا صعبة وأهلك عازوا يريحوك
وأنت أكتر واحد عارف أن هما بيحبوك

نصه الأسود قال جايز حبّوه لكن أكيد اذوه
ومال على ودنه وقال بالظبط زى ما عملت نور
مش هى برضو قالت أنا حاسة وجودى بيأذيك
ف انا هبعد عشان مصلحتك والدنيا هتنسيك

إلا قوللى صحيح الدنيا ليه منستكش
تكونش نور ضحكت عليك ومحبتكش
النص الأبيض قال هنتخطى اللى فات
عشان نمسك حاجات لازم نسيب حاجات

دقنك متر جسمك عمال يخس
محدش حس بيك ومحدش هيحس
معظم كلامه مش حقيقى أعمل معروف
أخلع النضارة السودة دى وحاول تشوف

ماهو شايف اللى فيها، مفيش غير ظلم فيها
جواه أسئلة كتيرة لكن خايف وبيداريها
لا طلعها، الدنيا بلاء من بؤ اللى صنعها
من حقك تمسك ورقة الامتحان ده وتقطعها

نصه الأبيض قاله لو عرفنا الغيب، النص الأسود قام مقاطعه
وقاله فكك من بؤين لعله خير ومحدش عارف الاحسنله ايه
أحنا لا متشافين فى سما ولا شارع ولا بيت "خلصت"

شرب كوباية العصير لآخر بؤ
جت مامته من الشغل
قامت وخداه بالحضن
وقالتله جهّز لبسك ياللى بتكتئب تحلو
أنا وباباك اجّزنا وهنسافر نغير جو