Текст песни 'O surdato 'nnamurato - Giuseppe di Stefano , Iller Pattacini , The New Symphony Orchestra Of London , Enrico Cannio

Staje luntana e chistu core
A te volo cu 'o penziero
Niente voglio e niente spero
Ca tenerte sempe a fianco a me!
Si' sicura 'e chist'ammore
Comm'je so' sicuro 'e te

E oje vita, oje vita mia
Oje core 'e chistu core
Si' stata 'o primmo ammore
E 'o primmo e ll'urdemo sarraje pe' me!

Quanta notte nun te veco
Nun te sento 'int'a sti bbracce
Nun te vaso chesta faccia
Nun t'astregno forte 'mbraccio a mme.
Ma scetannome 'a sti suonne
Mme faje chiagnere pe' te

E oje vita, oje vita mia
Oje core 'e chistu core
Si' stata 'o primmo ammore
E 'o primmo e ll'urdemo sarraje pe' mme!

Scrive sempe e sta' cuntenta
Io nun penzo che a te sola
Nu penziero me cunzola
Ca tu pienze sulamente a mme.
'A cchiù bella 'e tutt'e bbelle
Nun è maje cchiù bella 'e te

E oje vita, oje vita mia
Oje core 'e chistu core
Si' stata 'o primmo ammore
E 'o primmo e ll'urdemo sarraje pe' mme!

Oje vita, oje vita mia
Oje core 'e chistu core
Si' stata 'o primmo ammore
E 'o primmo e ll'urdemo sarraje pe' mme!