Текст песни Il canto dei Sanfedisti - Enzo Gragnaniello

Viva viva 'o populo vascie,
A lu suono d'î tammurielli
So' risuorte 'i puverielle.
A lu suono d'ê campane
Viva viva 'i pupulane,
A lu suono d'î viulini
Morte a li giaccubbine!
Sona sona
Sona Carmagnola
Sona li cunsiglie
Viva 'o rre cu la famiglia.

A Sant'Eremo tanto forte
L'hanno fatto comm'â ricotta,
A 'stu curnuto sbrevognato
L'hanno mis' 'a mitria 'n'capa.
Maistà, chi t'ha traduto?
Chistu stommaco chi ha avuto?
'E signure, 'e cavaliere
Te vulevano priggiuniere.
Sona sona
Sona Carmagnola
Sona li cunsiglie
Viva 'o rre cu la famiglia.

Alli trirece de giugno
Sant'Antonio gluriuso
'E signure, 'sti birbante
ê facettero 'o mazzo tante.
So' venute li francise
Aute tasse n'ci hanno mise,
Liberté... egalité...
Tu arruobbe a me
Io arruobbo a te!
Sona sona
Sona Carmagnola
Sona li cunsiglie
Viva 'o rre cu la famiglia.

Li francise so' arrivate
Ci hanno bbuono carusate,
Et voilà, et voilà...
Cavece 'n culo a la libbertà!
A lu ponte d'â Maddalena
'Onna Luisa è asciuta prena
E tre miedece che banno
Nu' la ponno fa' sgravà.
Sona sona
Sona Carmagnola
Sona li cunsiglie
Viva 'o rre cu la famiglia.

A lu muolo senza 'uerra
Se tiraie l'albero 'n terra
Afferraino 'e giacubbine
'E facettero 'na mappina.
È fernuta l'uguaglianza
è fernuta la libertà
Pe 'vuie so' dulure e panza
Signo', iateve a cuccà!
Sona sona
Sona Carmagnola
Sona li cunsiglie
Viva 'o rre cu la famiglia.

Passaie lu mese chiuvuso
Lu ventuso e l'addiruso
A lu mese ca se mete
Hanno avuto l'aglio arrete.
Viva tata maccarone
Ca rispetta la religgione,
Giacubbine iate a mare
Ch' v'abbrucia lu panare!
Sona sona
Sona Carmagnola
Sona li cunsiglie
Viva o rre cu la famiglia.