Текст песни Wahdon - Fairuz

وحدن بيبقوا متل زهر البيلسان
وحدهن بيقطفوا اوراق الزمان
بيسكروا الغابي
بيضلهن متل الشتي يدقوا على ابوابي، على ابوابي

يا زمان
يا عشب داشر فوق هالحيطان
ضويت ورد الليل ع كتابي
برج الحمام مسور وعالي
هج الحمام بقيت لحالي، لحالي

يا ناطرين التلج ما عاد بدكن ترجعوا
صرخ عليهن بالشتي يا ديب بلكي بيسمعوا

وحدن بيبقوا متل هالغيم العتيق
وحدهن وجوهن وعتم الطريق

عم يقطعوا الغابي
وبإيدهن متل الشتي يدقوا البكي
وهني على ابوابي

يا زمان
من عمر فيي العشب عالحيطان
من قبل ما صار الشجر عالي
ضوي قناديل وأنطر صحابي
مرقوا فلوا بقيت ع بابي لحالي

يا رايحين والتلج ما عاد بدكن ترجعوا
صرخ عليهن بالشتي يا ديب بلكي بيسمعوا، آه
يا رايحين والتلج ما عاد بدكن ترجعوا
صرخ عليهن بالشتي يا ديب بلكي بيسمعوا