Текст песни Iqvayliyen - Ferhat

Wid isefrayen
Wid ittmeslayen
Sseqdacen akk "nukni"
"Nukni" lqayen
Neɣ win ẓẓayen
Neɣ d "nukni" ur nefri
Armi tessexraben
S "nukni s waɛraben"
I qqaren at zik-nni
Mi d-nesla suɣen
Ula d idɣaɣen
D imaziɣen I d-nuki
Tura nfaq dayen
Mi d iqbayliyen
Tagara i d nukni

Ay iqbayliyen
I yesluɣuyen
Di temda n tdukli
D iɣ-iserfayen
D wi iɣ-isneɣnuyen
Mi ara aɣ-tettruzum tikli
ɣer tegmat tekrem
Tekkatem a ttedrem
Iwakken a nɣelli
Tneqqem deg asirem
Akken a ttidirem
D afus n umesbaṭli
Wid-ak i tḍurrem
D tarwa i d-ɣurrem
Azekka awen-t-id-yini

Taqbaylit tehwaǧ tarwa-s
Tehwaǧ taddukli
Berkat fell-aɣ tixidas
A nedder akk i tlelli
Aɛdaw-nneɣ d aferḍas
Acciwen d nukni
Ma ur nefka afus
ɣef tegmat
Tagduda-nneɣ ad ttali

Wid I ttwakelxen
Nenwa-ten ḥercen
Ṛṛay asen leɣlaḍ
Isem-nsen feddxen
Yerra-ten ttrewcen
Ul-nsen am ublaḍ
Di tikta i llxen
Si tikli n wuccen
Si d ass-n ara neqlaḍ
Win i ten-iselxen
D aɛdaw yeṭṭurcen
Ten iǧǧan ul d asemmaḍ
Lebɣi i ten-icelxen
Yeǧǧa-ten kerrcen
Deg-neɣ ur ten-nɣaḍ

Agma bu nneyya
Yeḍman lfayda
Deg uxsim ur nettbelliz
Tiɣaltin meyya
Snat din yiwet da
D lḥeq i ɣef i nettkezziz
Luṭunumi-ya
Aɛqel-itt d tirrugza
Mačči d "labitiz"
Di nfeḍḍ deg i naɛya
ɣi nekker ɣer tarda
Akken ur nettegliliz
Dda yusef ha-t-aya
Yid-s s tussda
Aqbayli ad yiɛziz

Taqbaylit tehwaǧ tarwa-s
Tehwaǧ tadukli
Berkat fell-aɣ tixidas
A nedder akk i tlelli
Aɛdaw-nneɣ d aferḍas
Acciwen d nukni
Ma ur nefka afus
ɣef tegmat
Tagduda-nneɣ ad ttali