Текст песни Le déserteur - Ferhat

A widak i aɣ-iḥekmen
Ad awen-in-aruɣ tabrat
Wiss ma ad tt-teɣrem ahat
Ma testufam, ma ulac dayen
Aql-i ṭṭfeɣ-d lekwaɣeḍ-nni
Akken ad dduɣ d aɛesekriw
Ad dafɛeɣ ɣef tmurt-iw
Tuɣal-d lgirra-nni

A ssyad imeqqranen
Ur ttkalet ara fell-i
Yemma urd id-teǧǧi
Akken ad neqqeɣ imdanen
Seg wul iṣfan d nneyya
Neɛya di texnanasin
Am irgazen am tilawin
Dayen tura berka.

Keččini seg wasmi i d-necfa
I immuten deg ibabaten
I ijeggḥen deg watmaten
Enɣ igujilen tura
Ayen runt tyemmatin
Mačči d ayen ara d-neḥku
Ula d aẓru ad iru
Melt-iyi-d acu i d-ssulin

Nekk ijerrben leḥbus
Qelɛen-iyi accaren-iw
Kksen-iyi tameṭṭut-iw
Kkaten-iyi, qqaren drus
Azekka zik ad d-kkreɣ
Ad as-rreɣ tablaṭ i wul
Ẓriɣ abrid-iw iḍul
Wissen akkit ma ad d-uɣaleɣ

Ad leḥḥuɣ deg yiḍ deg uzal
Ad aɣeɣ akk timura
Ad ttbeddaɣ ɣef tebbura
Ad asen-qqareɣ yiwen wawal
Ma tugim tixettaṛin
Akit a medden akit
Ur ḥeddret i twaɣit
Ɣer yeɣzer i ken-ttawin

Tebɣam tazla n idammen
Idammen-nwen kunwi
Zwiret ad ken-nwali
A ssyad imeqqranen
Mi di tt-teddam fell-i
Init i ijadarmiyen
Ifasse-iw d ilmawen
Ma bɣan ad iyi-nɣen, nɣen-iyi